Referat frå dagsturen til Sør-Fron torsdag den 8. juni 2023

I strålande sommarver dro 45 entusiastiske LOP-medlemmer den 8. juni til Sør-Fron for å læra meir om bygda. Første stopp var Sør-Fron kyrkje, kalla Gudbrandsdalsdomen. Der vart vi teke imot av Rasmus Stauri, som fortalde om korleis kyrkja vart til og om stilartane klassisisme og barokk som pregar kyrkja. Organisten, Sergey Shulga, ga oss gode musikkopplevingar på orgel, og til slutt på det nye, imponerande klokkespelet ute.